Apple “Buy Now, Pay Later” xidmətləri ilə tanınan Klarna ilə birlikdə cihazların lizinqi proqramı üzərində işləyir.
Cashless.az xəbər verir ki, “Apple Upgrade” adlanacaq yeni proqramın 28 iyul 2026-cı ildə istifadəyə verilməsi gözlənilir.
Proqram iPhone, iPad, Mac və Apple Watch cihazlarını əhatə edəcək. Yeni model istifadəçilərə cihazın dəyərini birdəfəlik ödəmək əvəzinə, daha uzun müddətə aylıq ödənişlə əldə etmək imkanı yaradacaq.
Məlumata görə, iPhone və Apple Watch üçün lizinq müddəti 24 aya qədər, Mac və iPad üçün isə 36 aya qədər nəzərdə tutulur. Müddət başa çatdıqdan sonra istifadəçilər cihazı özündə saxlaya, geri qaytara və ya daha yeni modelə keçid edə biləcəklər. Yeni proqram Apple-ın mövcud “iPhone Upgrade” proqramını əvəz edəcək. Şirkət həmin proqramı yeni istifadəçilər üçün bağlamağı və müştəriləri daha geniş cihaz portfelini əhatə edən “Apple Upgrade” modelinə yönləndirməyi planlaşdırır.