Binance oktyabrın 3-də Bakıda kriptovalyuta, treydinq və investisiya mövzusunda ödənişsiz təlim keçirəcək. “Intro to Trading and Investment” adlı sessiya Baku Learning Lab layihəsi çərçivəsində təşkil olunacaq.

Təlim əsasən yeni başlayanlar üçün nəzərdə tutulub. İştirakçılara kriptobazarın iş prinsipləri, treydinq və investisiya yanaşmaları, eləcə də risklərin idarə olunması barədə praktiki məlumat veriləcək.

Binance-in 2026-cı ilin avqust–sentyabr aylarında Azərbaycanda 500-dən çox istifadəçi arasında keçirdiyi sorğuya əsasən, respondentlərin 70,3%-i treydinqi kriptovalyutadan istifadənin əsas istiqamətlərindən biri kimi göstərib. İştirakçıların 69,9%-i isə passiv gəlir əldə etməyi əsas məqsədlərdən biri hesab edib.

Sessiya zamanı iştirakçılar interaktiv testlərdə və nümayiş xarakterli ticarət sessiyasında iştirak edə, Binance komandasına suallarını ünvanlaya biləcəklər.

Təlimdə iştirak ödənişsizdir, yerlərin sayı məhduddur.

Qeydiyyat üçün:
https://www.binance.events/event/58b36b23-fc7c-4173-825b-41ed230dd183/register