Çin rəqəmsal yuanı olan e-CNY ilk dəfə olaraq bir gündə yarım milyard əməliyyat həyata keçirib.
Cashless.az xəbər verir ki, bu göstərici ölkənin gündəlik ticarətində rəqəmsal valyutanın nə qədər geniş yayıldığını və sistemin nə qədər etibarlı olduğunu göstərir.
Çinin e-CNY-si digər kriptovalyutalardan fərqli olaraq, Çin Xalq Bankı tərəfindən dəstəklənir, ödənişlər dərhal həyata keçirilir və heç bir əlavə haqq tutulmur. Sistem sadə və hər kəs üçün əlçatandır.
Hökumət e-CNY-i stimulus ödənişləri və digər xüsusi məqsədlər üçün proqramlaşdıra bilir. Məsələn, pandemiya zamanı vətəndaşlara verilən ödənişlər yalnız 30 gün ərzində xərclənə bilərdi, bu da pul dövriyyəsini sürətləndirdi.
Qeyd edək ki, qlobal maliyyə sistemləri Çinin bu uğurunu maraqla izləyir. Avropa Mərkəzi Bankı rəqəmsal avro, ABŞ Federal Rezervi rəqəmsal dollar üzərində işləyir, Yaponiya, Cənubi Koreya və Hindistan isə öz layihələrini sürətləndirir.