Solana əsaslı DeFi platforması Drift Protocol platformasında “aktiv hücum”un baş verdiyini təsdiqləyib və platformadan 200 milyon dollardan çox vəsait çıxarılıb.
Cashless.az xəbər verir ki, platforma bildirib ki, şübhəli aktivlik aşkar edildikdən sonra depozit və çıxarış əməliyyatları dərhal dayandırılıb.
Komanda hücumu nəzarət altına almaq üçün təhlükəsizlik şirkətləri və digər tərəfdaşlarla işlədiyini açıqlayıb.
İlkin hesablamalara görə, hücum nəticəsində itkilər ən azı 200 milyon dollar təşkil edir, bəzi məlumatlarda isə bu rəqəmin 270 milyon dollara, hətta daha çoxa çata biləcəyi qeyd olunur.
Hadisə nəticəsində platformanın bir neçə likvidlik hovuzu boşaldılıb və hücum edən şəxs vəsaitləri müxtəlif kriptoaktivlərə çevirərək izini itirməyə çalışıb.
Drift istifadəçilərə xəbərdarlıq edib ki, araşdırma tamamlanana qədər platformaya vəsait yatırmasınlar və ehtiyatlı olsunlar.