2026-cı ilin yanvar–avqust aylarında “biletim.az” portalı vasitəsilə 837 mindən çox bilet alınıb. Azərbaycan Yerüstü Nəqliyyat Agentliyinin (AYNA) məlumatına görə, bu, ötən ilin eyni dövrü ilə müqayisədə 1,7 dəfə çoxdur.
Onlayn satışın payı 28%-dən 42,2%-ə yüksəlib. Sərnişinlərin biletləri səfərdən əvvəl əldə etməsinə marağı da artıb.
Portal şəhərlərarası avtobus reyslərinə biletləri onlayn almağa imkan verir. Bu ilin yanvarından istifadəçilər ödənişlərini bank kartı məlumatlarını ayrıca daxil etmədən “Apple Pay” və “Google Pay” vasitəsilə də həyata keçirə bilirlər.
AYNA onlayn bilet satışı sisteminin mərhələli şəkildə bütün daşıyıcı və avtovağzalları əhatə etməsini nəzərdə tutur.