2026-cı ildə ödəniş vərdişlərini dəyişdirəcək trendlər

Mastercard 2026-cı ildə insanların və bizneslərin ödəniş vərdişlərini dəyişdirəcək altı əsas trendi açıqlayıb.

İlk trend süni intellektin əməliyyatlara birbaşa müdaxiləsi fonunda agentik kommersiyanın təhlükəsizliyinin gücləndirilməsidir.Süni intellekt agentləri artıq istifadəçilər adından ödənişlər edə bildiyi üçün əsas diqqət təhlükəsizlik və legitimliyə yönələcək.

İkinci trend kriptovalyutaların, xüsusilə stabilkoinlərin əsas axın kommersiyasına daha geniş inteqrasiyasıdır. 

Üçüncü trend onlayn fırıldaqçılıqların artması fonunda rəqəmsal identiklik sistemlərinin gücləndirilməsidir. 2026-cı ildə rəqəmsal identiklik cüzdanlarının tətbiqi insanların kimliyinin daha sürətli və təhlükəsiz təsdiqlənməsinə imkan verəcək.

Dördüncü trend dayanıqlı istehlaka keçidin dəstəklənməsi, beşinci trend ödənişlərin fərdiləşdirilməsidir. İstehlakçılar ödəniş prosesinə daha çox nəzarət əldə edəcək, banklar isə analitika vasitəsilə kiçik biznesləri və kredit tarixçəsi məhdud olan şəxsləri daha dəqiq qiymətləndirəcək. Altıncı trend real vaxt ödənişlərinin genişlənməsidir.

Tokenizasiya və biometrik texnologiyalar da təhlükəsizliyi artıracaq. Mastercard bildirir ki, rəqəmsal ödənişlərin inkişafı fonunda şirkət həm inkişaf etmiş, həm də Azərbaycan kimi yüksələn bazarlarda tərəfdaşlarla əməkdaşlığı genişləndirərək daha ağıllı, təhlükəsiz və inklüziv ödəniş təcrübələri yaratmağı hədəfləyir.