MasterCard Yaxın Şərqi rəqəmsal ödənişlərin mərkəzinə çeviril
Mastercard Əbu-Dabidə yerləşən “ADI Foundation” ilə aktivlərin tokenləşdirilməsi və stabilkoin ödənişlərinin inkişafını hədəfləyən strateji tərəfdaşlığa başlayıb. Əməkdaşlığın ilkin mərhələsində daxili və transsərhəd stabilkoin ödənişləri, stabilkoin əsaslı ödəniş kartları və real aktivlərin tokenləşdirilməsi sınaqdan keçiriləcək. Məqsəd ənənəvi maliyyə sistemini blokçeyn texnologiyaları ilə tənzimləmələrə uyğun və qarşılıqlı işlək körpü yaratmaqdır.
Bununla yanaşı Mastercard BƏƏ-də “NEO PAY” və Bəhreyndə “INFINIOS” şirkətləri ilə də əməkdaşlığa başlayıb. Hər iki maliyyə texnologiyası şirkəti “USDC” və “EURC” stabilkoinləri vasitəsilə ödənişlərin maliyyələşdirilməsi və hesablaşmasını həyata keçirəcək. Şirkət bu tərəfdaşlıqla 2030-cu ilə qədər bir milyard insanın rəqəmsal iqtisadiyyata inteqrasiyasını hədəflədiyini açıqlayıb.
