N3XT blokçeyn əsaslı bankını istifadəyə verdi
Bank ABŞ dolları ilə ani və proqramlaşdırıla bilən B2B ödənişləri həyata keçirməyə imkan verir və 24/7 rejimində fasiləsiz fəaliyyət göstərir. N3XT xüsusi blokçeyn texnologiyası və API əsaslı sistemdən istifadə edərək ödənişlərin kliringi üçün xarici maliyyə qurumlarına bağlılığı aradan qaldırır. Sistem ağıllı müqavilələrlə ödənişləri avtomatik icra etməyə imkan verir.
Bank Vayominq ştatının Xüsusi Məqsədli Depozitar Qurumunun (Special Purpose Depository Institution - SPDI) lisenziyası ilə fəaliyyət göstərir və tam-rezerv modeli ilə işləyir, yəni depozitlərin hər bir dolları nağd vəsait və ya qısamüddətli ABŞ xəzinə kağızları ilə tam təmin olunur. Eyni zamanda gündəlik ehtiyat göstəricilərinin açıqlanması da təşkilat tərəfindən təmin edilir. Bu isə N3XT-nin institusional müştəriləri üçün təhlükəsiz və şəffaf rəqəmsal ödəniş ekosistemi yaratmasına imkan verir.
