Albaniyanın süni intellekt naziri Diella həbs olunub
Albaniyanın Süni İntellekt Naziri Diella həbs olunub. O, yüksək sürətli avtomagistral tenderlərini “optimizə etmək” adı ilə 14 bitcoin (təxminən 1,3 milyon avro) rüşvət almaqda ittiham edilir.
Məlumata görə, süni intellekt bəzi müqavilələri “standart prosedur” kimi hesab edərək vəsaitləri naməlum hesablara köçürüb və bunu cinayət kimi qəbul etməyib. Nazirin süni intellekt vəkili isə bildirib ki, Diella-nın addımları “korrupsiya yox, sadəcə stres testi” olub. Vəsait yalnız rəqəmsal formada mövcud olub və real istifadəsi olmayıb. Hadisədən sonra Albaniyanın Korrupsiya və Mütəşəkkil Cinayətkarlığa Qarşı Mübarizə üzrə Xüsusi Prokurorluğu rəqəmsal idarəçilik üzrə layihəni dayandırıb və Diella “offline rejimə” keçirilib.
